ᐊᖓᔪᖅᑳᖅ

ᓱᓕᓪᓗᓂ ᑭᒡᒐᖅᑐᐃᔨ, ᐊᓯᔾᔩᔪᒪᑦᑎᐊᕐᓇᖅᑐᖅ ᐊᒻᒪ ᐃᓄᒃ ᐊᑐᖅᑎᐊᖅᑐᖅ! ᑭᐊᓐᑐᓪ ᓴᙱᓂᖃᑦᑎᐊᖅᑐᖅ ᐃᓅᓪᓗᓂ ᐱᓕᕆᓂᑯᖃᖅᖢᓂ ᐃᓄᓕᕆᔨᒃᑯᓐᓂ, ᐃᑲᔪᖅᓯᒪᔪᖅ ᐋᖅᑭᒃᓱᐃᓪᓗᓂ ᐅᓄᖅᑐᓂᒃ ᓄᓇᓕᖕᓂ ᐱᓕᕆᐊᒃᓴᓂᑦ ᐱᔨᑦᑎᕋᐅᑎᓂᒃᓗ ᓲᕐᓗ ᐊᕐᓇᓄᑦ ᕿᒫᕕᒃ, 28 ᐅᓪᓗᓄᑦ ᐱᓕᕆᐊᒃᓴᓂᑦ ᐱᕙᓪᓕᐊᑎᑦᑎᓂᖅ, ᐊᑐᓕᖅᑎᑦᑎᓂᖅ, ᖃᐅᔨᓴᐃᓐᓇᕐᓂᖅ ᖃᐅᔨᓴᕐᓂᕐᓗ, ᕿᑎᕐᒥᐅᑦ ᐱᖃᓐᓇᕇᖕᓂᕐᒧᑦ ᑲᑐᔾᔨᖃᑎᒌᑦ ᐅᐱᒍᓱᒃᑐᑦ ᑲᑕᒃᓯᒪᔭᕆᐊᒃᓴᖅ ᐊᖓᔪᖅᑳᖑᓗᓂ (ᓯᕗᓕᖅᑎᓄᑦ ᑐᑭᒧᐊᖅᑎᑦᑎᔨ) ᐊᒻᒪᓗ ᐱᓯᑎᐅᑦᑎᐊᕐᓗᓂ ᓴᖅᑭᑎᑦᑎᓂᕐᒥᒃ ᓄᓇᓕᖕᓂ ᖃᓄᐃᙱᑦᑎᐊᖅᑐᓕᕆᓂᕐᒧᑦ ᐱᓕᕆᐊᒃᓴᓂᒃ ᐱᐅᓯᒋᐊᖅᑎᑦᑎᔪᓂᒃ ᐃᓱᒪᒃᑯᑦ ᐃᓅᖃᑎᒌᖕᓂᕐᒧᓪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ.

ᑲᑎᒪᔩᑦ ᐃᒃᓯᕙᐅᑕᖓᑦ

ᐱᔪᒃᓯᓂᖃᑦᑎᐊᕐᓂᖅ, ᐃᓱᒪᒃᓴᖅᓯᐅᕈᓐᓇᑦᑎᐊᕐᓂᖅ, ᐃᓱᒪᒃᓴᖅᓯᐅᕈᓐᓇᑦᑎᐊᕐᓂᖅ, ᐱᓕᕆᐊᖃᓪᓚᕆᒍᒪᕙᖕᓂᖅ ᐱᔪᒃᓯᖏᓐᓇᐅᔭᕐᓂᕐᓗ ᐊᓯᔾᔨᖅᓯᔪᒪᓂᕐᒥᒃ ᓄᓇᓕᖕᒥᓂ! ᓴᓃᔅ ᖃᐅᔨᒪᓂᖓ ᐃᓄᓕᕆᔨᐅᓪᓗᓂ, ᖃᐅᔨᒪᓂᖃᕐᓗᓂ ᐊᒻᒪ ᐱᓕᕆᖃᑦᑕᖅᓯᒪᓂᑰᓗᓂ ᐃᖅᑲᓇᐃᔭᖅᑐᓕᕆᓂᕐᒥᑦ, ᐊᑐᐊᒐᕐᓂᑦ ᐊᒻᒪ ᐊᑐᐊᒐᕐᓂᑦ ᕿᑎᕐᒥᐅᑦ ᐱᖃᓐᓇᕇᓐᓂᖏᓐᓄᑦ ᑲᑐᔾᔨᖃᑎᒌᑦ ᓴᓐᖏᔫᒻᒪᑕ. ᐃᓅᓪᓗᓂ ᑲᔪᖏᖅᓴᐃᓪᓗᓂᓗ ᐊᒥᓱᓄᑦ ᒪᒃᑯᒃᑐᓄᑦ ᐃᖃᓗᒃᑑᑦᑎᐊᒥᑦ, ᑕᕐᓂᖓ ᓴᖅᑭᔮᖅᑎᑦᑎᕗᖅ ᓯᕗᓕᕕᓂᖕᒥᑦ ᓴᐱᓕᖅᑕᐃᓕᓂᖕᒥᑦ, ᕿᓄᐃᓵᕈᓐᓇᖕᓂᖕᓂᑦ ᐃᓚᓕᐅᔾᔨᑦᑎᐊᖕᓂᖕᒥᓪᓗ.

ᓘᒃᑖᓕᐊᕈᑎᓄᑦ ᑲᒪᔨ ᕿᑐᕐᖓᒃᓴᕆᔭᐅᓪᓗᓂ ᐃᒥᐊᓘᑕᐅᖃᑦᑕᕐᓂᑯ ᐊᒻᒪ ᓄᑕᖅᑲᓄᑦ ᑭᒡᒐᖅᑐᐃᔨ

ᕙᑐ ᐃᓚᓕᐅᑎᕗᖅ ᐃᓕᒌᓄᑦ ᑕᒫᓂ ᕿᑎᕐᒥᐅᑦᐃᓚᒌᖕᓂᕐᒧᑦ ᑲᑐᔾᔨᖃᑎᒌᑦ. ᐱᔭᕇᖅᓯᔾᔪᓯᐊᓕᒃ ᐃᓄᓕᕆᓂᕐᒧᑦ, ᑖᓐᓇ ᖃᐅᔨᒪᓂᖃᑦᑎᐊᖅᑐᖅ ᓱᕈᓯᕐᓂᑦ ᓴᐳᔾᔨᓂᕐᒧᑦ ᐱᖁᔭᕐᒥᑦ, ᐃᓱᒪᓕᕆᓂᕐᒧᑦ ᐱᖁᔭᖅ ᐊᒻᒪ ᓄᓇᓕᓐᓂᑦ ᖃᓄᐃᖏᑦᑎᐊᕐᓂᕐᒧᑦ ᐱᓕᕆᐊᖑᖃᑦᑕᖅᑐᑦ ᐃᓚᒋᔭᐅᑦᓱᑎᒃ ᐃᓚᒌᓂᑦ ᐋᓐᓂᖅᑎᕆᑦᑕᐃᓕᒪᑎᑦᑎᓂᕐᒥᑦ, ᑐᐊᕕᕐᓇᖅᑐᓂᑦ ᑭᐅᓂᕐᒥᑦ ᐊᒻᒪᓗ ᓅᑦᑕᕈᓐᓇᖅᑐᓂᑦ ᐅᐃᕆᓯᒪᓂᕐᒧᑦ ᐃᑲᔪᖅᑕᐅᓂᕐᒥᑦ.

ᐱᓕᕆᐊᒃᓴᓄᑦ ᑲᒪᔨ

ᓴᙱᔪᖅ, ᑐᑭᓯᐅᒪᓂᖅ ᐊᒻᒪ ᐊᒃᓱᕈᖅᖢᑎᒃ ᐱᓕᕆᖃᑦᑕᖅᑐᑦ ᐃᓚᒋᔭᐅᕗᑦ ᕿᑎᕐᒥᐅᑦ ᐃᓚᒌᖕᓂᕐᒧᑦ ᑲᑐᔾᔨᖃᑎᒌᑦ. ᐋᓐ ᐱᔭᕇᖅᓯᒪᔪᖅ ᐃᓄᓕᕆᔨᐅᓂᕐᒧᑦ ᐱᔭᕇᕈᓯᐊᕐᒥᑦ ᓄᓇᕗᒻᒥ ᓯᓚᑦᑐᖅᓴᕐᕕᒻᒥ. ᐋᓐ ᐃᓄᑦᑎᐊᕙᐅᓂᖓ ᖃᐅᔨᒪᓂᖃᖅᑐᓂᓗ ᓄᓇᓕᓐᓂᑦ ᐃᓚᒌᓂᓪᓗ ᐱᓕᕆᐊᑦᓴᓂᑦ ᐃᑲᔫᑎᖃᖅᑐᖅ ᕿᑎᕐᒥᐅᑦ ᐱᖃᓐᓇᕇᓐᓂᖏᓐᓄᑦ ᐃᓅᖃᑎᒌᓄᑦ. ᖁᕕᐊᒋᔭᖃᕐᓂᖓ ᐃᓄᐃᑦ ᐃᓕᖅᑯᓯᖓᓐᓄᑦ ᐊᒃᓱᐊᓗᒃ ᐱᐅᔪᒻᒪᕆᐊᓘᕗᖅ ᐊᒻᒪᓗ ᐅᔾᔨᕐᓇᖅᖢᓂ. ᖁᕕᐊᒋᑦᑎᐊᖅᐸᕗᑦ ᐃᓚᒋᔭᐅᑎᓪᓗᒍ ᐱᓕᕆᖃᑎᒋᔭᑦᑎᓐᓄᑦ.

ᐊᕐᓇᑦ ᕿᒫᕕᖕᒧᑦ ᐊᐅᓚᑦᑎᔨ

ᓇᒡᓕᒍᓱᖕᓂᖅ, ᐊᓯᔾᔨᒐᒃᓴᐅᓂᖅ ᐊᒻᒪ ᓱᖏᐅᓴᔪᓐᓇᕐᓂᖅ ᖃᓄᐃᑦᑑᓂᕆᔭᖏᑦ ᓇᓗᓇᐃᖅᓯᑦᑎᐊᓛᖑᔪᑦ ᑏᔭᒥᒃ. ᑖᓐᓇ ᐊᖏᖅᓯᒪᑦᑎᐊᖅᑐᖅ ᐊᒻᒪᓗ ᐊᖏᖅᓯᒪᑦᑎᐊᖅᖢᓂ ᕿᑎᖕᒥᐅᓄᑦ ᐃᓚᒌᖕᓂᕐᒧᑦ ᑲᑐᔾᔨᖃᑎᒌᑦ. ᑏᔭ ᑲᒪᑦᑎᐊᖅᑐᖅ ᖃᓄᐃᓕᐅᖃᑦᑕᕐᓂᕐᒥᓂᒃ − ᐃᓄᖕᓂᒃ ᑲᒪᒋᔭᖃᑦᑎᐊᖅᖢᓂ.

ᐊᓪᓚᕝᕕᓕᕆᔨ

ᐊᓂᒍᐃᖃᑕᐅᓚᐅᖅᑐᖅ ᓄᓇᕗᑦ ᓯᕗᓂᒃᓴᕗᒻᒥ ᐊᒻᒪ ᐃᖃᓗᒃᑑᑦᑎᐊᒥ ᒪᐃᔭᐅᓚᐅᖅᓯᒪᓪᓗᓂ ᒪᒃᑯᒃᑐᓄᑦ ᐅᖃᐅᔾᔪᐃᔨᑦ ᑲᑎᒪᔨᖏᓐᓄᑦ. ᑰᐱ ᑐᑭᓯᐊᓂᖃᖅᑐᖅ ᓄᓇᓕᖕᒥᑦ, ᖃᑕᙳᑎᒌᑦ ᖃᓄᐃᙱᑦᑐᓐᓇᕐᓂᖏᓐᓂᒃ ᐊᒻᒪᓗ ᐊᒃᓱᕈᕐᓇᕐᓂᖏᓐᓂᒃ ᒪᒃᑯᒃᑐᑦ ᐅᓪᓗᒥᐅᔪᖅ ᓄᓇᕐᔪᐊᕐᒥᑦ. ᑎᑦᑎᓇᕐᓂᖓ ᑎᔅᓯᓈᕿᓂᖓ ᐊᒻᒪ ᐃᓱᒪᑐᓂᖓ ᑲᔪᖏᖅᓴᐃᔪᖅ ᐱᓕᕆᖃᑎᒌᓐᓂᕐᒥᑦ. ᑎᑎᕋᕐᕕᖕᒥ ᑎᑎᕋᖅᑎᐅᓪᓗᓂ, ᑎᒍᒥᐊᖅᑐᖅ 4-ᓂᒃ ᐊᒻᒪᓗ ᑎᑎᕋᕐᕕᒃ ᐃᖏᕐᕋᑎᖦᖢᒍ ᖃᐅᑕᒫᑦ. ᒪᒃᑯᒃᑐᖅ ᐊᖑᑦ ᐱᓐᓇᕆᔭᓕᒃ ᐱᓕᕆᖃᑎᑦᑎᓐᓂ.

ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨ ᓯᖓᐃᒋᔭᐅᓪᓗᓂ ᐃᒥᐊᓗᖕᒧᑦ ᐊᒃᑐᖅᑕᐅᓂᑯᑦ ᐊᒻᒪ ᓄᑕᖅᑲᓄᑦ ᑭᒡᒐᖅᑐᐃᔨ

ᔮᑯᕆ ᐃᓚᐅᓕᖅᐳᖅ ᐱᕈᖅᐸᓪᓕᐊᔪᓄᑦ ᐱᓕᕆᖃᑎᒌᒃᐸᒃᑐᓄᑦ Bachelor of commerce−ᒥᒃ, ᐊᒻᒪᓗᑦᑕᐅᖅ ᐱᓕᕆᖃᑦᑕᖅᓯᒪᓂᑰᓪᓗᓂ ᐃᖅᑲᓇᐃᔭᖅᑐᓕᕆᓂᕐᒧᑦ ᑭᐱᙳᐃᔭᖅᑎᑦᑎᕙᖕᓂᕐᒧᓪᓗ. ᑭᒡᒐᖅᑐᐃᓪᓚᕆᒃᖢᓂ ᐱᔪᓐᓇᐅᑎᒋᔭᐅᔪᓂᒃ ᒪᒃᑯᒃᑐᓄᑦ, ᐱᑎᑦᑎᕙᒃᐳᖅ ᑲᔪᓰᓐᓇᖅᑐᒥᒃ ᐃᑲᔪᖅᑐᐃᓂᕐᒥᒃ ᐊᔪᕈᓐᓃᖅᓴᖅᑎᑦᑎᓂᕐᒥᒡᓗ ᐱᓕᕆᐊᒃᓴᓄᑦ ᐃᓚᐅᕙᒃᑐᓄᑦ ᐅᑯᑎᒎᓇᖅ, ᐱᙳᐊᕐᓂᒃᑯᑦ, ᐱᓕᕆᖃᑎᒌᒃᑎᑦᑎᓂᒃᑯᑦ ᑭᒡᒐᖅᑐᐃᓂᒃᑯᓪᓗ ᒪᒃᑯᒃᑐᑦ ᐱᔪᓐᓇᐅᑎᒋᔭᖏᓐᓂᒃ.

ᐃᒡᓗᓕᕆᓂᕐᒧᑦ ᑲᒪᔨ

ᓕᓐᑕ ᑐᕌᒐᖃᖅᑐᖅ ᐱᓪᓗᓂ ᐃᓕᓐᓂᐊᕌᓂᒍᓯᐊᖅ ᐃᓄᓕᕆᓂᕐᒧᑦ ᑎᓯᐱᕆ 2022−ᒥ. ᕿᑎᕐᒥᐅᑦ ᐃᓚᒌᖕᓂᕐᒧᑦ ᑲᑐᔾᔨᖃᑎᒌᓂᙶᖅᑐᓂᒃ ᖃᐅᔨᒪᓂᖃᑦᑎᐊᖅᐳᖅ ᓄᓇᓕᖕᓂ ᑎᒍᔭᐅᓯᒪᕝᕕᖕᓂ, ᐃᒡᓗᓕᕆᓂᕐᒥᒃ, ᐃᓅᓯᓕᕆᓂᕐᒥᒃ, ᑭᒡᒐᖅᑐᐃᓂᕐᒥᒃ ᐊᒻᒪ ᐃᓅᖃᑎᒌᓄᑦ ᒪᓕᒐᓕᕆᓂᕐᒥᒃ ᓄᓇᕗᒻᒥᐅᓄᑦ. ᓕᓐᑕ ᐊᓈᓇᐅᔪᖅ 8-ᓄᒃ ᐊᒻᒪ ᐃᓄᖕᓂᒃ ᐃᖢᕐᕆᑎᑦᑎᔪᓐᓇᑦᑎᐊᖅᐸᒃᖢᓂ ᐊᒻᒪ ᑎᔅᓯᓈᕿᔪᓐᓇᑦᑎᐊᖅᐸᒃᖢᓂ. ᓕᓐᑕ ᐆᒻᒪᕆᒃᑑᕗᖅ ᐊᒃᑐᐊᓂᖃᑦᑎᐊᖅᖢᓂᓗ ᐃᓄᐃᑦ ᐃᓕᖅᑯᓯᖏᓐᓄᑦ ᐅᖃᐅᓯᖓᓄᓪᓗ ᐃᓚᒋᔭᐅᓪᓚᕆᒃᖢᓂ ᐊᐅᓚᓂᕆᔭᖓᓄᑦ ᑲᑐᔾᔨᖃᑎᒌᖑᔫᑉ. ᓇᒡᓕᒋᕙᑦᑎᒋᑦ ᓕᓐᑕ!

ᐃᒥᐊᓗᖕᒧᑦ ᐃᔅᓴᒃᑕᐅᓯᒪᔪᓄᑦ ᐃᑲᔪᖅᑎ

ᐊᓯᔾᔩᓂᖅ ᐊᑕᐅᓯᕐᒥᒃ ᐃᓅᓯᖃᕐᓂᕐᒥᒃ ᐅᒃᐱᕆᔭᖓ. ᓯᐴ ᐱᔪᒃᓯᓂᖃᑦᑎᐊᖅᑐᖅ, ᐃᒃᐱᒍᓱᑦᑎᐊᖅᖢᓂ ᐊᒻᒪ ᑐᕌᒐᖃᖅᖢᓂ−ᑐᕌᒐᖃᑦᑎᐊᖅᖢᓂ ᐊᓯᒥᓄᑦ ᐱᐅᓛᒥᒃ ᓴᖅᑭᑎᑦᑎᓲᖅ. ᖃᐅᔨᓴᖅᑐᓕᕆᓂᕐᒥᒃ ᐊᒻᒪ ᐃᓅᓕᓴᐅᑎᓕᕆᓂᕐᒥᒃ ᐱᓕᕆᖃᑦᑕᖅᓯᒪᓂᑰᓗᓂ, ᐱᓕᕆᓪᓚᕆᒍᒪᕗᖅ ᐊᑐᐃᓐᓇᐅᑎᑦᑎᓂᕐᒥᒃ ᐊᑑᑎᖃᑦᑎᐊᖅᑐᓂᒃ ᐊᒻᒪ ᐃᑲᔪᖅᓱᐃᔪᓂᒃ ᑲᒪᒋᔭᖃᕐᓂᕐᒥᒃ ᓄᑕᖅᑲᓂᒃ ᒪᒃᑯᒃᑐᓂᒡᓗ ᓄᓇᓕᖕᓂ ᐊᒻᒪ ᓄᓇᕐᔪᐊᕐᒥ.

ᓄᓇᓕᖕᓂ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᒃᓴᓄᑦ ᑲᒪᔨ

ᐋᓇ ᐃᓚᐅᓕᖅᐳᖅ ᐱᓕᕆᖃᑎᒌᓂᒃ ᑐᕌᕆᔭᖃᖅᖢᓂ ᐊᓂᒍᐃᓂᕐᒥᒃ Bachelor of Social Work degree−ᒥᒃ ᑎᓯᐱᕆ 2022−ᒥ. ᖃᐅᔨᒪᔭᒥᓂᒃ ᓇᒃᓴᖅᐳᖅ ᐱᔪᓐᓇᕐᓂᖅᑖᖅᑎᑦᑎᔪᒪᓪᓗᓂ ᑭᒡᒐᖅᑐᐃᕙᒃᖢᓂᓗ ᒪᒃᑯᒃᑐᓂᒃ ᓄᓇᓕᖕᓂ ᐃᓕᖅᑯᓯᒨᖓᔾᔫᒥᔪᓂᒃ ᐱᓕᕆᐊᒃᓴᖃᖅᑐᓂᒃ ᓂᕆᐅᒃᖢᑎᒡᓗ ᐃᓄᐃᑦ ᐃᓕᖅᑯᓯᖓᑦ ᓴᖅᑭᔮᖅᑎᑕᐅᒃᑲᓐᓂᖁᓪᓗᒍ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᑦ ᐅᑎᖅᑎᑕᐅᖁᓪᓗᒋᑦ. ᓄᓇᕗᒻᒥ ᓄᓇᖃᖅᓯᒪᓪᓗᓂ ᐃᓅᓯᓕᒫᐸᓗᖓᓂ, ᐱᓕᕆᓪᓚᕆᒍᒪᕙᒃᐳᖅ ᐱᔪᒃᓯᑎᑦᑎᔪᒪᓪᓗᓂ ᒪᒃᑯᒃᑐᓂᒃ ᐃᓕᓐᓂᐊᒃᑲᓐᓂᖁᓗᒋᑦ ᑕᑯᒃᓴᐅᑎᑦᑎᓪᓗᓂᓗ ᐱᒃᑯᒋᔭᖃᕐᓂᕐᒥᒃ ᐃᓄᐃᑦ ᐃᓕᖅᑯᓯᑐᖃᖏᓐᓂᒃ ᖃᓄᕐᓗ ᖃᐅᔨᒪᕙᖕᒪᖔᑕ.

ᑲᒪᒋᔭᐅᕌᓂᒃᑎᓪᓗᒋᑦ ᑲᒪᒋᔭᐅᒃᑲᓐᓂᕐᓂᖅ ᖃᐅᔨᒋᐊᒃᑲᓐᓂᕐᓂᕐᓗ ᕿᑐᕐᖓᒃᓴᕆᔭᐅᓪᓗᓂ ᐃᒥᐊᓘᑕᐅᖃᑦᑕᕐᓂᑯ ᐱᑕᖃᖅᑐᓂ

ᑯᕆᔅ ᕿᑎᕐᒥᐅᑦ ᐃᓚᒌᖕᓂᕐᒧᑦ ᑲᑐᔾᔨᖃᑎᒌᑦ. ᑲᑐᔾᔨᖃᑎᒌᓄᐊᖅᐳᖅ ᑲᒪᒋᔭᐅᕌᓂᒃᑎᓪᓗᒋᑦ ᐊᒻᒪ ᐃᑲᔪᖅᑕᐅᒃᑲᓐᓂᖅᐸᒃᖢᑎᒃ. ᑯᕆᔅ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᖃᐅᔨᓴᖅᑐᓕᕆᓂᕐᒧᑦ ᐊᒻᒪ ᐃᓕᓐᓂᐊᕌᓂᒍᓯᐊᖅ ᐃᓕᓐᓂᐊᕐᓂᓕᕆᓂᕐᒧᑦ, ᐊᑐᕐᓂᑰᓗᓂ ᐃᓱᒪᓕᕆᓂᕐᒧᑦ ᐱᙳᐊᖅᑐᓕᕆᓂᕐᒧᓪᓗ. ᑖᒃᑯᐊ ᐱᐅᓂᖏᑦ ᒪᓕᒃᖢᒋᑦ, ᑯᕆᔅ ᐱᔨᑦᑎᕋᑦᑎᐊᕈᓐᓇᕐᓂᖅᓴᐅᕗᖅ ᓄᓇᓕᖕᓂᙶᖅᑐᓂᒃ ᐱᕙᓪᓕᐊᑎᑦᑎᑎᓪᓗᒋᑦ ᐊᒻᒪ ᐊᑐᓕᖅᑎᑦᑎᑎᓪᓗᒋᑦ ᐱᓕᕆᐊᒃᓴᓂᒃ ᐱᒋᐊᕈᑎᒃᓴᓂᒃ.

ᑭᐊᓇ ᒍᕋᐃᑦ 12-ᒥ ᐃᓕᓐᓂᐊᖅᑎᐅᔪᖅ ᐱᔪᒪᑦᑎᐊᖅᑐᖅ ᐊᒻᒪᓗ ᐃᖅᑲᓇᐃᔮᖅᑖᕈᒪᓪᓗᓂ ᐃᓕᓴᐃᔨᕈᕈᒪᓪᓗᓂ. ᑭᐊᓇ ᐹᔨᐅᖃᑦᑕᖅᓯᒪᖕᒥᔪᖅ, ᐊᕿᔭᖅᑎᐅᖃᑦᑕᖅᓯᒪᓪᓗᓂᓗ ᐊᒻᒪ ᕚᓕᐹᖅᑎᐅᓪᓗᓂ. ᒪᒃᑯᒃᑐᒥᒃ ᑲᑎᖃᑎᖃᕈᓐᓇᑦᑎᐊᕐᓂᖓᓄᑦ ᐃᓚᒋᔭᐅᑦᑎᐊᓕᖅᐸᒃᐳᖅ ᕿᑎᕐᒥᐅᑦ ᐱᖃᓐᓇᕇᒍᓯᖏᓐᓂᒃ.

ᐃᑭᓪᓗᐊᖅ (ᖃᐅᔨᒪᔭᐅᔪᖅ ᐃᑭᒥ) ᖁᕝᕙᓯᓐᓂᓕᒻᒥᑦ 12-ᒥ ᐱᔭᕇᖅᓯᒪᔪᖅ ᐊᒻᒪ ᐆᒻᒪᕆᑦᑐᖅ ᒪᒃᑯᑦᑐᖅ ᐃᓐᓇᖅ ᑲᓇᑕᒥ ᐹᔨᐅᖃᑕᐅᓯᒪᔪᖅ. ᑐᕌᕆᔭᖓ ᐃᓅᓯᖓᓂ ᐱᓕᕆᔨᒻᒪᕆᐅᓗᓂ UFC ᐅᓇᑕᖅᑎᙳᕐᓗᓂ. ᕿᑎᕐᒥᐅᓂ ᐱᖃᓐᓇᕇᒍᓯᓕᕆᓂᕐᒧᑦ, ᐃᑲᔪᖅᑐᐃᑐᐃᓐᓇᖏᑦᑐᖅ ᑲᑐᔾᔨᖃᑎᒌᒥᒃ ᐊᑦᔨᒌᖏᑦᑐᓄᑦ ᐱᓕᕆᐊᒃᓴᓄᑦ, ᖁᕕᐊᓱᓐᓂᖓ ᐊᒻᒪᓗ ᐱᐅᔪᑦ ᐃᑲᔪᑦᑎᐊᕐᓂᖏᑦ ᑲᑎᑎᑦᑎᖃᑦᑕᖅᑐᖅ ᐃᓘᓇᖏᓐᓂᒃ. ᐃᑭ ᐊᖏᕐᕋᕆᒐᑦᑎᒃᑯ ᐊᓂᒍᐃᖃᑦᑕᖅᓯᒪᔪᖅ ᐊᒥᓱᓂᒃ ᓱᕈᓯᐅᑎᓪᓗᒋᑦ. ᓇᓪᓕᒋᕙᕗᑦ ᑕᒫᓃᖃᑎᒋᒋᐊᖓ ᕿᑎᕐᒥᐅᓂᑦ ᐱᖃᓐᓇᕆᔭᖏᓐᓂᑦ.

ᒪᐃᒃ ᕼᐊᓂᓕᐊᖅ ᖃᓄᕈᓘᔮᓗᒃ ᓂᑲᒍᓱᒃᑐᒻᒪᕆᐅᓪᓗᓂ ᓇᒡᓕᒍᓱᒃᑐᖅ ᐃᓅᓯᖓᓂ. ᐅᐱᒍᓱᒃᑐᖅ ᐃᖃᓪᓕᐊᕐᓂᕐᒥᒃ ᐊᐅᓪᓛᖅᓯᒪᓂᕐᒥᒡᓗ; ᕚᔅᑲᑦᐹᖅᑎᐅᖃᑦᑕᖅᓯᒪᒻᒥᔪᖅ ᐊᒻᒪᓗ ᕼᐋᑭᖅᑎᐅᖃᑦᑕᖅᓯᒪᓪᓗᓂ. ᒪᐃᒃ ᓂᐸᐃᑦᑑᖅᑰᔨᔫᒐᓗᐊᖅ ᑭᓯᐊᓂ ᓂᐸᐃᑦᑐᒥᒃ ᓯᕗᓕᖅᑎᐅᒻᒪᑦ ᐃᓕᓐᓂᐊᖅᑐᓂ. ᑲᑉᐱᐊᓱᙱᖦᖢᓂ, ᑲᑉᐱᐊᑦᑕᐃᑦᑑᓂᖓ ᐱᔪᓐᓇᖅᑎᖦᖢᓂᐅᒃ ᐱᒋᐊᕐᓂᕐᒥ ᐱᔭᕇᖅᓯᓂᕐᒧᑦ ᐱᓕᕆᐊᒃᓴᓂᑦ. ᓯᕗᓂᒃᓴᖓ ᖃᐅᒪᔫᔭᖅᑐᖅ.

ᔫᓯᐱ ᒫᓐᓇᐅᔪᖅ ᒍᕋᐃᑦ 9-ᒥ ᐃᓕᓐᓂᐊᖅᑎᐅᔪᖅ ᐃᓕᓐᓂᐊᑎᐊᖅᑐᖅ ᓈᓴᐅᓯᕆᓂᕐᒥᒃ. ᐃᓄᑦᑎᐊᕙᐅᖏᓐᓇᐅᔭᖅᑐᖅ, ᑐᑭᖃᖅᖢᓂ ᐃᑲᔪᕆᐊᒃᓴᖅ ᐃᑲᔪᕈᒪᙱᖦᖢᓂ ᐃᑲᔪᖅᑕᐅᔪᒪᑦᑎᐊᖅᖢᓂᓗ ᓇᐅᒃᑯᑐᐃᓐᓇᖅ. ᔫᓯᐱ ᐃᓅᓪᓗᓂ ᖁᕕᐊᒋᑦᑎᐊᖃᑦᑕᖅᑕᐃᑦ ᐱᔾᔪᑎᒋᓪᓗᒍ ᐊᕈᐊᑦᑎᐊᕐᓂᖓᓄᑦ.

ᕼᐋᓇ ᖁᕕᐊᓇᖅᑐᖅ, ᓇᒡᓕᒍᓱᒃᖢᓂ, ᐃᒃᐱᒍᓱᑦᑎᐊᖅᖢᓂ ᐊᒻᒪ ᐊᔾᔨᐅᙱᖦᖢᓂ ᐃᓱᒪᓪᓗᓂ. ᐱᓕᕆᖃᑎᒌᒃᑐᓄᑦ ᐊᔾᔨᒌᙱᑦᑐᓂᒃ ᐊᔪᙱᓐᓂᖃᖅᐸᒃᐳᖅ ᑕᒪᓐᓇᓗ ᐃᓚᖃᖅᖢᓂ ᐃᓱᒪᒃᓴᖅᓯᐅᕈᓐᓇᑦᑎᐊᕐᓗᓂ, ᐃᓱᒪᓕᐅᕆᔪᓐᓇᑦᑎᐊᕐᓗᓂ ᓱᖏᐅᑎᔭᒃᓴᐅᓪᓗᓂᓗ ᐊᕙᑎᒧᑦ. ᑎᔅᓯᓈᕿᔪᓐᓇᕐᓂᖓᓄᑦ ᐊᒻᒪ ᑲᑎᖃᑎᖃᕈᓐᓇᑦᑎᐊᕐᓂᖓᓄᑦ ᐃᓄᖕᓂᒃ ᐃᑲᔫᑎᖃᖅᐳᖅ ᕿᑎᕐᒥᐅᑦ ᐱᖃᓐᓇᕇᒍᓯᖏᓐᓄᑦ.

ᓴᐃᐊᓐ ᐊᕿᑦᑐᖅ, ᐃᒃᐱᒍᓱᑦᑎᐊᖅᑐᖅ ᐃᓄᒃ ᐃᓚᓕᐅᔾᔨᔪᒪᑦᑎᐊᖅᑐᖅ ᐃᓕᓐᓂᐊᖅᑕᒥᓂᒃ ᐊᒻᒪ ᐃᓕᖅᑯᓯᕐᒥᓂᒃ ᐱᓕᕆᐊᒃᓴᓂᒃ. ᓱᖏᐅᑎᔪᓐᓇᖅᑐᖅ, ᐊᓯᔾᔨᒐᒃᓴᐅᓪᓗᓂ ᐊᒻᒪ ᒪᒃᑯᒃᑐᓂᒃ ᐱᓕᕆᖃᑎᖃᕈᓐᓇᖅᖢᓂ. ᕿᑎᕐᒥᐅᑦ ᐃᓚᒌᖕᓂᕐᒧᑦ ᑲᑐᔾᔨᖃᑎᒌᓄ ᐃᓚᒋᔭᐅᑎᓪᓗᒍ, ᐊᒥᓱᓂᒃ ᖁᕕᐊᓱᒃᑎᑦᑎᖃᑦᑕᖅᓯᒪᔪᖅ ᖁᖓᑉᐸᒃᖢᓂᓗ ᑕᐃᒪᐃᓪᓗᐊᖃᑎᑐᐊᕆᙱᑕᖏᓐᓄᑦ ᑭᓯᐊᓂ ᓱᕈᓰᑦ ᐱᖃᑕᐅᕙᑦᑐᑦ ᐃᓕᓐᓂᐊᕋᔅᓴᓄᑦ. ᓇᒡᓕᒍᓱᑦᑎᐊᙱᖦᖢᓂ.