ᐊᓯᔾᔨᕈᒪᓕᖅᓯᒪᔾᔪᑎᖓ
ᑖᒃᑯᐊ ᐃᓄᐃᑦ ᐱᒋᐊᓕᓚᐅᖅᓯᒪᕗᑦ ᓇᒻᒥᓂᖅ ᐊᑐᖅᓯᒪᔭᒃᑯᑦ ᐱᔨᑦᓯᖅᑕᐅᖃᑦᑕᖅᑐᖓ ᓇᐅᒃᑯᓕᒫᖅ ᐃᓅᓯᓐᓂ ᕿᑎᕐᒥᐅᓂ. ᒪᒃᑯᒃᑑᓪᓗᖓ ᐊᕐᓇᐅᓪᓗᖓ ᐱᕈᖅᐸᓪᓕᐊᓪᓗᖓ, ᖃᐅᔨᓚᐅᖅᐳᖓ ᐊᒥᓱᓂᒃ ᐊᒃᓱᕈᕐᓇᖅᑐᓂᒃ ᓵᖓᔭᐅᔪᓂᒃ ᐱᓕᕆᖃᑎᒋᕙᒃᑕᓐᓄᑦ ᐊᒻᒪᓗᑦᑕᐅᖅ ᐱᑕᖃᑦᑎᐊᙱᓐᓂᖓᓄᑦ ᓄᓇᓕᖕᓂ ᐊᑐᖅᑕᐅᔪᓐᓇᖅᑐᓂᒃ ᐃᑲᔪᖅᑐᐃᓂᕐᒧᓪᓗ ᐅᕙᑦᑎᓐᓄᑦ ᒪᓂᒪᓚᐅᙱᑦᑐᓂᒃ. ᐱᕕᖃᖅᓯᒪᕗᖓ ᐃᖅᑲᓇᐃᔭᕆᐊᒃᓴᖅ ᐃᓄᓕᕆᓂᖕᒥᑦ ᐃᓄᓕᕆᓂᖕᒧᓪᓗ ᐱᓕᕆᐊᒃᓴᓂᑦ ᕿᑎᖕᒥᐅᓂᑦ ᓄᓇᕗᓕᒫᒥᓪᓗ. ᑖᒃᑯᓇᙵᑦ ᐱᓕᕆᐊᓂᒃ ᐊᒻᒪᓗ ᐅᕙᖓ ᐊᑐᖅᓯᒪᔭᖏᓐᓂᒃ, ᖃᐅᔨᓚᐅᖅᑐᖓ ᐱᓕᕆᔪᖃᕆᐊᖃᒻᒪᕆᒻᒪᑦ ᓄᓇᓕᓐᓂ ᐱᓕᕆᐊᖑᓇᓱᐊᖅᑐᓂᒃ ᐃᑲᔪᖅᑐᐃᓂᐊᖅᑐᓂᒃ ᐃᓄᖁᑎᑦᑎᓐᓂᒃ ᖃᓄᑐᐃᓐᓇᖅ ᐅᑭᐅᖃᖅᑐᓂᒃ.
ᐊᑖᑕᒐ ᐋᓐᓂᐊᓕᓵᖅᑎᓪᓗᒍ, ᑕᑯᓚᐅᕐᒪᖓ ᐅᓇᑕᖅᑎᓪᓗᒍ ᐊᓈᓇᒪ ᐱᔪᓐᓇᐅᑎᖃᕐᓂᖓᓂᒃ ᒪᓕᒃᑎᐅᓂᖓᓂᒃ ᐃᓅᙱᒻᒪᑦ. ᐊᔾᔨᓴᐃᓐᓇᖏᓐᓂᒃ ᐱᔪᓐᓇᐅᑎᖃᓚᐅᓐᖏᓚᖅ ᓄᓕᐊᖓᑕ, ᐅᕙᖓ, ᖃᑕᙳᑎᒃᑲ ᐅᕝᕙᓘᓐᓃᑦ ᕿᑐᕐᖓᒃᑲ. ᐊᓈᓇᒪ ᑐᔪᕐᒥᕕᒃᓴᖅᑖᕈᓐᓇᖅᑎᓪᓗᖓ, ᐊᑖᑕᒐ ᖃᐅᔨᔪᒪᓚᐅᕐᒪᑦ ᐊᑕᐅᓯᐊᑐᐃᓐᓇᕐᒪᖔᖅ ᐅᕝᕙᓘᓐᓃᑦ ᐊᓯᔾᔨᕐᓂᕐᒪᖔᒃᑯ ᑭᒃᑯᓕᒫᓄᑦ. ᐊᐃᑦᑖᕈᓱᖅᑰᔨᓚᐅᖅᑐᖅ ᐊᓯᔾᔨᓚᐅᖅᓯᒪᖏᓐᓂᖓᓂᒃ ᑭᒃᑯᓕᒫᓄᑦ. ᐅᖃᐅᑎᓚᐅᖅᐹᖓ "ᐊᓯᔾᔨᕆᐊᖃᕐᓂᕋᕐᖢᓂᐅᒃ".
-ᑭᐊᓐᑐᓪ ᐊᕐᓇᕕᒐᖅ-ᐊᖓᔪᖅᑳᖅ