ᐱᔨᑦᑎᕐᓂᖅ

ᐱᔨᑦᑎᕐᓂᖅ ᐊᑐᐃᓐᓇᐅᑎᑦᑎᓗᓂ ᐃᓚᒌᓄᑦ ᓄᓇᓕᓐᓄᓪᓗ

ᕿᑎᕐᒥᐅᓂ ᐃᓚᒌᖕᓂᕐᒧᑦ ᑲᑐᔾᔨᖃᑎᒌᑦ ᓄᓇᕗᒻᒥ ᑲᑐᔾᔨᖃᑎᒌᖑᕗᑦ ᑲᔪᓯᑎᑦᑎᕙᒃᑐᑦ ᓄᓇᓕᖕᓂ ᖃᓄᐃᙱᑦᑎᐊᕐᓂᕐᒥᒃ ᐃᓅᖃᑎᒌᖕᓂᕐᒧᓪᓗ ᒪᓕᒐᓕᕆᓂᕐᒥᒃ ᐱᐅᔪᒃᑯᑦ ᐱᓕᕆᐊᖃᕐᓂᒃᑯᑦ ᓯᕗᓕᖅᑎᐅᓂᒃᑯᓪᓗ.  ᐱᑎᑦᑎᕙᒃᐳᒍᑦ ᐊᔾᔨᒌᙱᑦᑐᓂᒃ ᓄᓇᓕᖕᓂ ᐱᕙᓪᓕᐊᑎᑦᑎᓂᕐᒧᑦ ᐱᔨᑦᑎᕋᕐᓂᕆᔭᐅᕙᒃᑐᓂᒃ, ᐱᓕᕆᐊᖑᔪᓂᒃ ᐃᓕᓐᓂᐊᕐᓂᕐᒧᓪᓗ ᑐᓴᖅᑕᐅᔪᒃᓴᓂᒃ ᐃᓕᖕᓂᒃ ᐃᑲᔪᕈᒪᓂᕐᒧᑦ ᐊᖅᑯᑎᒋᓂᐊᖅᑕᕐᓂᒃ ᓯᕗᒻᒧᑦ.  ᓇᒧᑐᐃᓐᓈᕋᓗᐊᕈᕕᑦ, ᐱᔨᑦᑎᕋᐅᑎᕗᑦ ᐱᓕᕆᐊᒃᓴᕗᓪᓗ ᐃᑲᔪᕐᓂᐊᖅᑐᑦ ᑕᐃᑯᙵᕐᓗᑎᑦ.

ᐱᓕᕆᐊᒃᓴᑦ ᑎᑎᕋᖅᓯᒪᔪᑦ

ᐱᓕᕆᐊᒃᓴᕗᑦ ᓴᖅᑭᑦᑎᔪᒪᓂᐅᕗᖅ ᖃᓄᐃᙱᑦᑎᐊᖅᑐᒥᒃ ᓄᓇᓕᖕᓂᒃ ᓄᓇᓕᖕᒥᐅᑦ ᐃᑲᔪᖅᑐᖅᑕᐅᓂᕐᒥᓂᒃ ᐊᑐᕈᓐᓇᕐᓗᑎᒡᓗ ᐊᔾᔨᒌᙱᑦᑐᓂᒃ ᐱᔨᑦᑎᕋᕐᓂᕆᔭᐅᔪᓂᒃ, ᐱᓕᕆᐊᒃᓴᓂᒃ ᐊᔪᕈᓐᓃᖅᑕᐅᕙᒃᑐᓂᒡᓗ ᐃᑲᔪᕋᔭᖅᑐᓂᒃ ᐱᐅᓯᒋᐊᖅᑎᑦᑎᓂᐊᕐᓗᓂ ᐃᓅᓯᖏᓐᓂᒃ.  ᕿᑎᕐᒥᐅᓂ ᐃᓚᒌᖕᓂᕐᒧᑦ ᑲᑐᔾᔨᖃᑎᒌᑦ ᐋᖅᑭᒃᓱᐃᕙᒃᐳᑦ ᓴᖅᑭᑎᑦᑎᕙᒃᖢᑎᒡᓗ ᐱᓕᕆᐊᒃᓴᓂᒃ ᐃᒃᐱᒋᔭᖃᑦᑎᐊᖅᑐᓂᒃ ᐃᓚᓕᐅᔾᔨᔪᓂᒡᓗ ᐃᓄᐃᑦ ᐃᓕᖅᑯᓯᑐᖃᖏᓐᓂᒃ, ᐃᓕᖅᑯᓯᑐᖃᖏᓐᓂᒃ ᐊᑐᖅᑕᐅᕙᒃᑐᑐᖃᖏᓐᓂᒡᓗ.

ᐱᒻᒪᕆᐅᒋᔭᐅᔪᑦ

  • ᐃᓚᓕᐅᔾᔨᓂᖅ

  • ᐃᓱᒪᒋᔭᖃᑦᑎᐊᕐᓂᖅ

  • ᑐᑭᓯᐅᒪᓂᖅ

  • ᐃᒃᐱᒍᓱᑦᑎᐊᕐᓂᖅ

  • ᐃᒃᐱᒍᓱᑦᑎᐊᕐᓂᖅ

  • ᐃᑲᔪᖅᑕᐅᔭᕆᐊᓕᖕᓂᒃ−ᑐᕌᖓᔪᓂᒃ ᐱᓕᕆᓂᖅ

  • ᐃᓚᓕᐅᔾᔨᓂᖅ ᐱᔨᑦᑎᕋᐅᑎᓂᒃ: ᖃᓄᐃᓕᐅᖅᑕᓕᒫᕗᑦ ᑐᙵᕕᖃᖅᑐᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ (IQ) ᑐᙵᕕᖏᓐᓂᒃ, ᐃᒥᐊᓗᖕᒧᑦ ᐃᔅᓴᒃᑕᐅᓯᒪᔪᑦ ᐊᒻᒪ ᖁᐋᖅᓵᖅᓯᒪᔪᑦ ᑐᓴᐅᒪᑎᓐᓂᐊᕐᓗᒋᑦ ᐊᔪᕈᓐᓃᖅᓴᐅᑎᑦ

ᐊᓂᒍᖅᑎᓯᒪᔭᕗᑦ

ᒫᓐᓇᒧᑦ ᑎᑭᖦᖢᒍ ᐱᓕᕆᐊᕆᓯᒪᓕᖅᑕᕗᑦ

ᕿᓚᒥᕈᓗᒃ, ᐱᐊᓂᒃᓯᓯᒪᔪᒍᑦ ᐊᒥᓱᓂᒃ ᐱᒻᒪᕆᐅᔪᓂᒃ ᑐᕌᒐᓂᒃ ᐊᒻᒪᓗ ᐱᒋᐊᖅᖢᑕ ᓄᑖᓂᒃ ᐋᖅᑭᒋᐊᕈᑎᒃᓴᓂᒃ ᐃᑲᔪᐃᓂᕐᒧᑦ ᖃᓄᐃᖏᑦᑎᐊᕐᓂᕐᒧᑦ ᕿᑎᕐᒥᐅᓂᑦ.

ᓄᑕᖅᑲᑦ, ᒪᒃᑯᒃᑐᑦ ᐊᒻᒪ ᐃᓚᒌᑦ

  • ᐊᖏᕐᕋᕆᔭᐅᔪᖅ ᓄᑕᖅᑲᓄᑦ ᑭᒡᒐᖅᑐᐃᓂᕐᒧᑦ ᐃᓂᒋᔭᐅᔪᖅ ᕿᑎᕐᒥᐅᓄᑦ, ᐃᑲᔪᕐᓗᒋᑦ ᓄᑕᖅᑲᑦ ᐊᑐᖅᐸᒃᑐᓂᒃ ᐱᓂᕐᓗᒡᕕᐅᓂᕐᒥᒃ

  • ᐊᐅᓚᑦᑎᓂᖅ ᐊᕐᓇᓄᑦ ᕿᒫᕝᕕᖕᒥ ᐃᖃᓗᒃᑑᑦᑎᐊᕐᒥ

  • ᓴᖅᑭᑎᑦᑎᓂᖅ ᓅᑉᐸᓪᓕᐊᓂᕐᒧᑦ ᐊᖏᕐᕋᕆᔭᐅᔪᓐᓇᖅᑐᒥᒃ ᐊᕐᓇᓄᑦ ᓄᖅᑲᖅᑎᑦᑎᔪᒪᓪᓗᑎᒃ ᐊᑐᖅᑕᐅᕙᖕᓂᖓᓂᒃ ᐊᖏᕐᕋᖃᙱᓐᓂᐅᑉ ᐊᐃᑉᐸᕐᒥᓂᒡᓗ ᐋᓐᓂᖅᓯᕆᓂᐅᕙᒃᑐᒥᒃ

  • ᐊᐅᓚᑦᑎᕙᒡᓗᓂ ᖃᐅᔨᓴᖅᑕᐅᔪᓂᒃ ᐊᒻᒪ ᐃᑲᔪᖅᑐᐃᔾᔪᑎᓂᒃ ᐃᓚᒌᓄᑦ ᐊᒃᑐᖅᑕᐅᑐᐃᓐᓇᕆᐊᓕᖕᓄᑦ ᐃᒥᐊᓗᖕᒧᑦ ᐃᔅᓴᒃᑕᐅᓯᒪᔪᓄᑦ (FASD)

ᐃᓕᖅᑯᓯᓕᕆᓂᕐᒧᑦ ᐃᓕᓐᓂᐊᕈᑎᒃᓴᑦ

  • ᓄᓇᐃᑦ ᑲᑎᙵᔪᑦ ᐅᑭᐅᓕᖕᓄᑦ 7-ᒥᑦ 15-ᒧᑦ: ᒪᒥᓴᕐᓂᕐᒧᑦ ᐱᓕᕆᐊᖅ ᐃᓕᓐᓂᐊᖅᑎᑦᑎᔪᖅ ᐱᖅᑯᓯᑐᖃᒃᑯᑦ ᓄᓇᒥᑦ ᐊᔪᙱᓐᓂᐅᔪᓂᒃ

  • ᒪᒥᓴᕐᓂᕐᒧᑦ ᐱᓕᕆᐊᑦ ᐃᓐᓇᕐᓄᑦ

  • ᐱᖅᑯᓯᑐᖃᒃᑯᑦ ᖃᓄᐃᓕᐅᕈᑎᑦ ᓲᕐᓗ ᐊᖑᓇᓱᖕᓂᖅ, ᒥᖅᓱᕐᓂᖅ, ᓴᓇᕐᕈᑎᓕᐅᕐᓂᖅ, ᓴᓇᐅᒐᓕᕆᓂᖅ ᐅᖃᐅᓯᓕᕆᓂᕐᓗ ᐆᒻᒪᖅᑎᑦᑎᒃᑲᓐᓂᕋᓱᖕᓂᖅ

ᖃᓄᖅᑑᕈᑎᓄᑦ ᓯᕗᓪᓕᐅᑎᔪᒪᔭᕗᑦ

ᑭᓱᓂᒃ ᐱᓂᐊᓕᖅᐱᓯ

ᓱᕋᒃᑕᐅᕙᓪᓕᐊᔪᑦ ᑐᓗᖅᑕᕈᑏᑦ

  • ᐃᓄᐃᑦ ᑐᑭᓯᐅᒪᓕᖅᑎᒃᑲᓐᓂᕐᓗᒋᑦ ᖃᓄᖅ ᐃᑲᔪᖅᑐᐃᔪᓐᓇᕐᒪᖔᑕ

  • ᒥᑭᒡᓕᒋᐊᖅᑎᓪᓗᒍ ᐱᐅᙱᑦᑐᑦ ᐊᒃᑐᖅᓯᓂᕆᕙᒃᑕᖏᑦ ᑕᓗᕈᒃᑯᑎᓂᕐᒧᑦ, ᐊᔾᔨᒌᒃᑎᑦᑎᙱᓐᓂᕐᒧᑦ, ᐅᕕᓂᖃᑎᒋᙱᑕᒥᒃ ᐊᑭᕋᖅᑐᖅᐸᖕᓂᕐᒥᒃ ᐊᔪᙱᓐᓂᖃᕐᓂᕐᒥᒡᓗ

  • ᐃᓚᓕᐅᑎᓗᒋᑦ ᐃᓄᐃᑦ ᐃᓅᖃᑎᒌᑦ ᐱᒻᒪᕆᐅᒋᔭᖏᑦ ᐱᓕᕆᐊᕆᔭᓕᒫᑦᑎᓐᓂ

ᐅᖃᐅᓯᖃᕐᓂᖅ

  • ᐃᓚᐅᑎᓪᓗᒋᑦ ᐊᔾᔨᒌᙱᑦᑑᑎᐅᓕᕐᓗᑎᒃ ᐊᑕᖐᔪᒃᑯᓪᓗ ᐱᓕᕆᔾᔪᓰᑦ ᐃᑲᔪᖅᑐᐃᓂᐊᕐᓗᓂ ᖃᓄᐃᙱᑦᑎᐊᖅᑐᓂᒃ ᐃᓄᖕᓂᒃ ᓄᓇᓕᖕᓂᒡᓗ

  • ᑭᒡᒐᖅᑐᐃᓂᖅ ᖁᐋᖅᓵᖅᓯᒪᔪᑦ ᑐᓴᐅᒪᑎᓐᓂᐊᕐᓗᒋᑦ, ᐃᒥᐊᓗᖕᒧᑦ ᐃᔅᓴᒃᑕᐅᓯᒪᔪᑦ ᑐᓴᐅᒪᑎᑕᐅᓗᑎᒃ ᐊᒻᒪ ᐃᓕᖅᑯᓯᕐᒨᖓᔪᓂᒃ ᐱᔨᑦᑎᕋᐅᑎᓂᒃ ᐊᒻᒪ ᐱᓕᕆᔾᔪᓯᕐᓂᒃ

ᐱᔪᓐᓇᕐᓂᖅᑖᖅᐸᓪᓕᐊᑎᑦᑎᓂᖅ ᕿᑎᕐᒥᐅᓂ

  • ᐱᓕᕆᖃᑎᒋᓗᒋᑦ ᐊᓯᖏᑦ ᑲᑐᔾᔨᖃᑎᒌᖑᔪᑦ ᐊᒥᖅᑳᖃᑎᖃᖅᑐᑦ ᐊᔾᔨᑲᓴᖏᓐᓂᒃ ᑐᕌᕆᔭᐅᔪᓂᒃ

  • ᐊᖏᒡᓕᒋᐊᕐᓗᒍ ᐱᔪᓐᓇᕐᓂᕆᔭᐅᔪᖅ ᐃᓄᖕᓄᑦ ᐱᔨᑦᑎᕋᖅᑕᐅᔪᓐᓇᕐᓗᑎᒃ ᐊᐃᓯᒪᓗᑎᒃ ᐅᕝᕙᓘᓐᓃᑦ ᓄᓇᖏᓐᓂᒃ

ᐊᑦᑕᕐᓇᙱᑦᑐᓂᒃ ᐃᓂᒃᓴᓕᐅᕐᓂᖅ ᐊᒻᒪ ᐃᒡᓗᓕᕆᓂᖅ

  • ᐱᕈᖅᐸᓪᓕᐊᑎᑦᑏᓐᓇᕐᓗᑕ ᐊᖏᕐᕋᓕᖕᓄᑦ ᐱᓕᕆᐊᒃᓴᑦᑎᓐᓂᒃ ᐱᓕᕆᓗᑕ ᓯᕗᓂᒃᓴᒧᑦ ᓇᔪᖅᑕᐅᓚᐅᑲᒍᓐᓇᖅᑐᓄᑦ ᐃᒡᓗᓄᑦ ᐊᒻᒪ ᒪᒥᓴᕐᕕᖕᓄᑦ